قومی ٹیم کے اسکواڈ میں بڑی تبدیلیوں کا امکان:  ذرائع

چیمپئنز ٹرافی میں انتہائی ناقص کارکردگی کے بعد دورہ نیوزی لینڈ کیلئے قومی ٹیم کے سکواوڈ میں بڑی تبدیلیوں کا امکان ہے ، قومی ٹی ٹوینٹی سکواڈ نوجوان کھلاڑیوں پر مشتمل ہو گا ۔

ذرائع کا کہناہے کہ  بابر اعظم اور محمد رضوان کو ٹی ٹونٹی اسکواڈ کا حصہ نہیں بنایا جائے گا، پاکستان کے نمایاں فاسٹ باولرز شاہین شاہ آفریدی، حارث روف کو ون ڈے اسکواڈ کا حصہ نہیں بنایا جائے گا، عاکف جاوید، وسیم جونیئر اور محمد حارث کی شمولیت متوقع ہے ۔

 ان کے علاوہ خوشدل شاہ جگہ برقرار رکھنے میں کامیاب ہوئے ہیں،  فہیم اشرف کو ون ڈے میں موقع ملنے کا امکان ہے ،  محمد رضوان کو ٹی ٹونٹی کی کپتانی سے ہٹائے جانے کا امکان ہے ۔ کپتانی کے لیے محمد حارث، سلمان علی آغا کے ناموں پر غور کیا جارہاہے ۔  کپتان کے حوالے سے فیصلہ چیئرمین نے کرنا ہے تاحال فیصلے کا انتظار ہے ۔