پاکستان کو ایشین کرکٹ کونسل کی صدارت مل گئی

پاکستان کو ایشین کرکٹ کونسل (اے سی سی) کی صدارت مل گئی۔

اے سی سی کی ایگزیکٹو کمیٹی کے ورچوئل اجلاس میں پاکستان کو صدارت سونپنے کا فیصلہ کیا گیا جبکہ چیئرمین پاکستان کرکٹ بورڈ ( پی سی بی ) محسن نقوی بھی اجلاس میں شریک ہوئے۔

ذرائع کے مطابق اجلاس کے دوران پاکستان کو اگلی مدت کے لیے اے سی سی کی صدارت سونپنے کا فیصلہ ہوا۔

اس کے نتیجے میں چیئرمین پی سی بی محسن نقوی ایشین کرکٹ کونسل کے صدر کے طور پر ذمہ داریاں سنبھالیں گے۔

ایشین کرکٹ کونسل کی جانب سے جلد ہی اس کا باضابطہ اعلان بھی کیا جائے گا۔